قسم کڻان ٿومان هن شهر جو .

هن شهر (مڪي) جو قسم آهي

نه، مان هن شھر (مڪي) جو قسم کڻان ٿو.

ان حال ۾ جو تون رهندڙ آهين هن شهر ۾ .

۽ تون هن شهر ۾ رهندڙ آهين

هن شھر ۾ توکي (تڪليف ڏيڻ ڪافرن جي طرفان) حلال ڪيو ويو آهي. (حالانڪه هن شھر ۾ ڪنھن به جاندار کي تڪليف پھچائڻ حرام آهي)

۽ والد جو ۽ جيڪو ڄڻيائين .

۽ ڄڻيندڙ ۽ ڄڻيل جو (قسم آهي)

قسم آهي (نسل انساني جي) پيءُ ۽ ان مان پيدا ٿيل اولاد جو.

البته تحقيق پيدا ڪيوسون انسان کي تڪليف ۾ .

ته بيشڪ اسان انسان کي مشقت ۾ (پوڻ لاءِ) پيدا ڪيو آهي

بيشڪ اسان انسان کي (دنيا ۾) تڪليف ۾ پوڻ لاءِ ئي پيدا ڪيو آهي.

ڇا خيال ڪري ٿو هي ته هرگز نه قادر ٿيندو ان تي ڪو هڪڙو .

ڇا هو خيال ڪري ٿو ته مٿس هرگز ڪنهن جو زور هلي نه سگهندو

ڇا (انسان) سمجهي ٿو ته کيس ڪير به قابو نٿو ڪري سگهي؟

چوي پيو ته هلاڪ ڪيو مون مال گهڻو .

چوي ٿو ته مون مال جا ڍير لٽايا آهن.

چوي ٿو ته مون گهڻو ئي مال اُڏائي ڇڏيو آهي.

ڇا ڀانئين ٿو ته نه ڏٺو ان کي ڪنهن هڪ .

ڇا هو خيال ڪري ٿو ته ان کي ڪنهن به نه ڏٺو آهي.

ڇا هو اهو به سمجهي ٿو ته ان کي ڪنھن به نه ڏٺو آهي؟

ڇا نه ڪيون اسان ان جي لاءِ ٻه اکيون .

ڇا اسان سندس ٻه اکيون

ڇا اسان کيس ٻه اکيون نه ڏنيون آهن؟

۽ زبان ۽ ٻه چپ .

۽ زبان ۽ چپ نه بنايا آهن؟

هڪڙي زبان ۽ ٻه چپ نه ڏنا آهن؟

۽ ڏيکاريون اسان ان کي ٻه واٽون .

۽ اسان ان کي (خير ۽شر جا) ٻه شاهي رستا ڏيکاري ڇڏيا آهن

۽ ان کي (زندگي گذارڻ لاءِ) ٻه (واضح) رستا نه ڏيکاريا آهن؟

پوءِ نه لنگهيو لڪ مان .

پوءِ به هو همت ڪري سخت لڪ ۾ نه گهڙيو.

پر هُن انتھائي مشڪل گهاٽيءَ مان لنگهڻ جي همت ئي نه ڪئي.

۽ ڪنهن ڄاڻايو توکي ته ڇا آهي لڪ؟ .

۽ (اي پيغمبر) توکي ڪهڙي خبر ته سخت لڪ ڇا آهي ؟

توکي ڪهڙي خبر ته اها مشڪل گهاٽي ڪهڙي آهي؟

ٻانهو آزاد ڪرڻ .

اهو ٻانهي کي آزاد ڪرائڻو آهي

ڪنھن غلام کي آزاد ڪرائڻ.

يا کاڌو کارائڻ بک واري ڏينهن ۾ .

يا بک جي ڏينهن کاڌو کارائڻو آهي

يا بک جي وقت (ڪنهن کي) کاڌو کارائڻ.

يتيم مائٽيءَ واري کي .

مٽيءَ مائٽي واري يتيم کي

يا ڪنھن رشتيدار يتيم کي کاڌو کارائڻ.

يا مسڪين مٽيءَ هاڻي کي .

يا مٽيءَ ۾ رَليل مسڪين کي

يا ميرڙي سيرڙي مسڪين کي کاڌو کارائڻ (اها آهي مشڪل گهاٽي)

ان کان پوءِ ٿيو انهن مان جن ايمان آندو ۽ وصيت ڪيائون صبر جي ۽ هڪ ٻئي کي وصيت ڪيائون ٻاجهه ڪرڻ جي .

وري انهن مان ٿئي جن ايمان آندو ۽ هڪ ٻئي کي صبر ڪرڻ جي وصيت ڪئي ۽ هڪ ٻئي کي رحم ڪرڻ جي وصيت ڪئي آهي.

(اهي ڪم ڪرڻ کان پوءِ) وري هي انهن ماڻهن ۾ شامل ٿي وڃي جن ايمان آندو ۽ هڪ ٻئي کي صبر جي تلقين ۽ هڪ ٻئي تي رحم ڪرڻ جو تاڪيد ڪندا رهيا.

اهي سڄي پاسي وارا آهن .

اهي ئي سڀاڳا آهن

(پوءِ) اهڙا ئي ماڻهو ساڄي پاسي وارا آهن.

۽ جن اسان جي آيتن جو ڪفر ڪيو اهي کٻي پاسي وارا آهن .

۽ جن اسان جي آيتن جو انڪار ڪيو سي ئي نڀاڳا آهن

۽ جن ماڻهن اسان جي آيتن جو انڪار ڪيو، سي کاٻي پاسي وارا (بدبخت) آهن.

انهن تي دٻيل باهه آهي .

انهن تي باهه دميل هوندي.

انهن جي مٿان باهه وڪوڙيل هوندي.